Thursday, February 13, 2014

ഉന്മാദത്തിന്റെ ചുണ്ടുകള്‍

                                                             ഉടലിന്‌
                                                         ഉന്മാദത്തിന്റെ
                                                     ഉടുപ്പുതുന്നിയ ഉമ്മകള്‍,
                                                         നിന്റെ ചുണ്ടിന്റെ
                                                           ആഭിചാരം.

                                 മറ്റാരും കാണാത്ത                 മറ്റാരും കാണാത്ത
                                      ഈ മുറിവുകള്‍,                 നിന്റെ കൈപ്പട,                         
                                     നിന്റെ കൈപ്പട                 ഈ മുറിവുകള്‍
                                                    രൂപകങ്ങളുടെ നദിയില്‍
                                                    ഞാന്‍ മാത്രം വായിക്കുന്ന
                                                       നീറ്റലെന്ന കാവ്യം.


                                               ഉന്മാദത്തെ
                                               ഉടലാക്കി
                                               നമ്മുടെ ചുണ്ടുകള്‍.
                                                                    ആ ഒറ്റ നിമിഷം
                                                                    പേരെല്ലാം നേരായി.
                                                          ഉയിരിന്‌
                                                    ഉണ്മയിലേക്ക്
                                           ഒരു കൊളുത്തു വീണു.

13 comments:

  1. വളരെ നാളുകൾക്ക് ശേഷം ,സ്വന്തം അഭിപ്രായങ്ങളും, അതിന് സ്വന്തം എഴുത്ത് വഴിയകളുമുള്ള ഒരെഴുത്തുകാരിയെ വീണ്ടും വായിക്കാനായതിൽ സന്തോഷം.... കവിതയുടെ ക്രാഫ്റ്റും,ബീംബകൽപ്പനകളും മാത്രമല്ല . അത് അവതരിപ്പിക്കുന്ന രൂപഘടനയിലും ഭാവകൽപ്പനകൾ .......

    കൗതുകവേഷങ്ങൾ ഇനിയും ഉയിർകൊള്ളട്ടെ.....

    ReplyDelete
  2. തിളക്കമുള്ള വരികള്‍
    ആശംസകള്‍

    ReplyDelete
  3. കണ്ടതിൽ സന്തോഷം...
    നല്ല വരികൾ

    ReplyDelete
  4. ഉന്മാദത്തിന്റെ ഉടുപ്പുതുന്നിയ ഉമ്മകള്‍, നിന്റെ ചുണ്ടിന്റെ ആഭിചാരം...... നല്ല വരികൾ പക്ഷേ..രൂപ ഘടന ബ്ലോഗിനു പ്രശ്നമല്ല അല്ലേ?..ആശംസകൾ

    ReplyDelete
  5. സാഹചര്യം പോലെ രണ്ടു വഴിക്കും ആകാം,
    ഒന്ന് മറ്റൊന്നായി പരിണമിക്കുമ്പോള്‍ സ്വഭാവം തന്നെ
    മാറുന്നു.
    എനിക്ക് അത്രയൊക്കെയേ കത്തിയുള്ളു കേട്ടോ.
    പുതിയ രൂപഭാവങ്ങള്‍ തേടിയാണോ ഇത്രേം കാലം ഒളിഞ്ഞിരുന്നത്.
    സന്തോഷം.

    ReplyDelete
  6. ഉന്മാദത്തിന്റെ ഉണ്മ

    ReplyDelete
  7. എന്തെന്താഭിചാരങ്ങള്‍...

    ReplyDelete
  8. എല്ലാവരോടും, സന്തോഷം.

    ReplyDelete
  9. നേരായ പേരുകള്‍.. നേരായ വരികള്‍.
    അഭിനന്ദനങ്ങള്‍

    ReplyDelete
  10. ഒറ്റക്കൊളുത്തിലൊരു ഭൂമി, ജീവിതം.

    ReplyDelete
  11. നല്ല വരികള്‍

    ReplyDelete
  12. ഈ ഒറ്റനിമിഷം വാക്കെല്ലാം നേരായി...

    ReplyDelete